Ղրիմից Աննա Ֆորոստյանը ձյուդոյի ամանորյա մրցաշարում ոսկե մեդալ է նվաճել

Թեոդոսիայից Աննա Ֆորոստյանը ոսկե մեդալ է նվաճել ձյուդոյի ամանորյա մրցաշարում։ Այս մասին հայտնել է չեմպիոնի պապը՝ Սերգեյ Ֆորոստյանը։

«Մեծ երջանկություն է տեսնել, թե ինչպես են երեխաներն իրենց քրտնաջան աշխատանքով հաջողություններ գրանցում սպորտում։ Աննա Ֆորոստյանն իսկական փոքրիկ ըմբիշ է, նա շատ է սիրում սպորտը, մարզումներն իրենց արդյունքն են տալիս, և նա լավագույնն է: Պետք է երեխաների մեջ դաստիարակել ամենակարևորը, ճիշտ արժեքներ սերմանել և, իհարկե, սիրել ։ Հպարտ եմ քեզնով, Անյա»,- գրել է Սերգեյ Ֆորոստյանը։