Էդգար Եղիազարյանը մասնակցում է «Բալետի ռուսական դասականներ» ծրագրին

Դեկտեմբերի 30-ին Մոսկվայի Ռախմանինովի «Ֆիլհարմոնիա-2» դահլիճի բեմում ռեժիսոր Իգոր Ցվիրկոն կներկայացնի իր «Բալետի ռուսական դասականներ» ծրագիրը: Դրանք Մարիուս Պետիպայի հատվածներն են՝ «Կարապի լիճ»-ը, «Քնած գեղեցկուհին», «Բայադերկա»-ն, «Ռայմոնդա»-ն և Յուրի Գրիգորովիչի խորեոգրաֆիան («Մարդուկ-Ջարդուկը»), Միխայիլ Ֆոկինի («Շեհերազադե», «Կարապ») և այլ բալետմայստերների աշխատանքը։

Ծրագրին մասնակցում են Մոսկվայի առաջատար թատրոնների մենակատարներ, որոնց թվում է «Կրեմլյան բալետ» թատրոնի առաջատար մենակատար Էդգար Եղիազարյանը:

Էդգարը 2021 թվականին ավարտել է Մոսկվայի պարարվեստի պետական ակադեմիան։ Ուսման ընթացքում մասնակցել է հյուրախաղերի Հունաստանում, վարպետության դասերի՝ ԱՄՆ-ում։ 2021 թվականին հրավիրվել է «Կրեմլյան բալետ» թատրոն։