Էդմոնդ Խուդոյանը՝ բռնցքամարտի Ռուսաստանի վեցակի չեմպիոն

Եկատերինբուրգում կայացած բռնցքամարտի Ռուսաստանի 2025 թվականի առաջնությունում Զլատոուստ քաղաքում բնակվող Էդմոնդ Խուդոյանը վերահաստատել է իր կարգավիճակը որպես երկրի ուժեղագույն բռնցքամարտիկներից մեկը: Մինչև 48 կգ քաշային կարգում նա արդեն 6-րդ անգամ նվաճել է Ռուսաստանի չեմպիոնի տիտղոսը: Այս մրցաշարը նրա համար հոբելյանական էր՝ 10-րդն իր պրոֆեսիոնալ կարիերայում։

Խուդոյանը հաղթանակը նվիրել է մորը և նշել, որ չեմպիոնական գոտի տանող ճանապարհը հեշտ չի եղել:

Բացի Խուդոյանից, Ռուսաստանի չեմպիոն է դարձել նաև Սոչիի ներկայացուցիչ Անդրեյ Փեհլիվանյանը:

Առաջնությանը մասնակցել են ավելի քան 300 բռնցքամարտիկներ երկրի 63 մարզերից, ինչը մրցաշարը դարձնում է ռուսական բռնցքամարտի պատմության ամենամասշտաբայիններից մեկը: