Էդուարդ Գասպարյանը` կարատեի միջազգային մրցաշարի չեմպիոն

Կուբանում բնակվող կարատեիստ Էդուարդ Գասպարյանը դարձել է 2025 թվականի Karate1 Series A միջազգային մրցումների առաջին փուլի հաղթող:

Karate1 Series A մրցաշարն անցկացվել է հունվարի 10-12-ը Վրաստանի մայրաքաղաք Թբիլիսիում: Էդուարդի հետ մրցավայր են մեկնել ավելի քան 40 ռուս մարզիկներ։ Կարատեիստը հաղթանակի համար պայքարել է Ռուսաստանի մարզական հավաքականի կազմում։

Ռուսները նվաճել են 7 մեդալ, որոնցից 1-ը՝ ոսկե, 2-ը՝ արծաթե և 4-ը՝ բրոնզե: 84 կգ քաշային կարգում Էդուարդը դարձել է չեմպիոն: Տարվա ամենասկզբում միջազգային կարգի մրցումներում հաղթելը Գասպարյանի համար Ամանորյա հիանալի մեկնարկ է, իսկ կուբանցիների համար՝ տարածաշրջանի մարզիկների համար հպարտանալու հերթական առիթ: