Էդուարդ Մարգարով. Խորհրդային ֆուտբոլի լեգենդը
20 Հունիսի 2024, 23:50
Alpha News-ը շարունակում է ներկայացնել «Ալֆա պերսոնա» շարքը:
Հունիսի 20-ը խորհրդային ականավոր ֆուտբոլիստ և մարզիչ Էդուարդ Մարգարովի ծննդյան օրն է:
Էդուարդ Մարգարովը ծնվել է հայկական ընտանիքում։ Նրա հայրը՝ Արտյոմ Մարգարովը, ԽՍՀՄ սպորտի վարպետ էր, ինչպես նաև որդու առաջին մարզիչը։ Հետևաբար, կարելի է ասել, որ ֆուտբոլը Էդուարդի արյան մեջ էր և դարձավ նրա կյանքի անբաժանելի մասը:
Դեռևս 1961 թվականին երիտասարդ Մարգարովին նկատել է Բորիս Արկադևը և հրավիրել խաղալ «Նեֆտյանիկ»-ում, նույն թվականին նրան հրավիրել են նաև Խաղալ ԽՍՀՄ պատանեկան հավաքականում։
1971 թվականին Էդուարդ Արտեմովիչը տեղափոխվել է Երևանի «Արարատ»։ Հենց այստեղ էլ սկսվել է Մարգարովի ամենահաջող շրջանը՝ որպես խաղացող նվաճեց ԽՍՀՄ գավաթը, ինչպես նաև ոսկե և արծաթե մեդալներ տարբեր առաջնություններում, իսկ 1976 թվականին դարձել է առաջնության արծաթե մեդալակիր և գավաթի եզրափակչի մասնակից արդեն որպես մարզիչ:
1963 թվականին դարձել է ԽՍՀՄ սպորտի վարպետ, 1973 թվականին՝ սպորտի վաստակավոր վարպետ, իսկ 1983 թվականին՝ Հայաստանի վաստակավոր մարզիչ։ Համառության և ֆուտբոլի հանդեպ սիրո շնորհիվ նա հիանալի զարգացրել է մարզչական գործունեությունը ինչպես Հայաստանում, այնպես էլ արտերկրում՝ հասնելով զգալի արդյունքների։
Հետաքրքիր փաստ — Իր երկարատև ֆուտբոլային կարիերայի ընթացքում Էդուարդ Մարգարովը ոչ մի դեղին քարտ չի ստացել ո՛չ ԽՍՀՄ ազգային հավաքականի կազմում, ո՛չ էլ ԽՍՀՄ Բարձրագույն խմբի առաջնությունում:
Հիմա եթերում
