Էկրան կբարձրանա 44-օրյա պատերազմի հետեւանքների մասին պատմող «Սուրեն» ֆիլմը
03 Հոկտեմբերի 2023, 12:00
Շուտով հայ հայրենադարձ ռեժիսոր Վալերի Վարդանյանի «Սուրեն» ֆիլմը, որ նվիրված է 2020 թվականի Արցախյան պատերազմին, դրա հետևանքներին, էկրան կբարձրանա ու կներկայացվի կինոփառատոներում:
kino-teatr.ru-ի փոխանցմամբ՝ ֆիլմը պատմում է 44-օրյա պատերազմից հետո մարդկանց զանգվածային գաղթի մասին, երբ մարդկանց ստիպում էին լքել իրենց տները, հողերը, ամեն ինչ թողնել-հեռանալ։
Նրանց անվտանգության համար պատասխանատու է 102-րդ դիվիզիայի սպան, որ միջազգային փոքր թիմի գլխավորությամբ ուղարկվում է Արցախի հեռավոր շրջաններ՝ անվտանգ տեղաշարժ ապահովելու համար։
Սուրեն անունով տարեց տղամարդը, որ ապրում է թոռան հետ Հացաշատ գյուղում, հրաժարվում է լքել իր տունը։
Ֆիլմը ռեժիսոր Վալերի Վարդանյանի, սցենարիստ Ալեքսանդր Ռազգադաևի և օպերատոր Պավել Մինաևի համատեղ աշխատանքն է։
Հիմա եթերում
