Էլինա Ավանեսյանը դուրս է եկել WTA-250 շարքի մրցաշարի եզրափակիչ
26 Հուլիսի 2024, 16:49
![](https://media.alphanews.am/wp-content/uploads/2024/07/26094932/40589869_0_0_1441_810_1920x0_80_0_0_de1b9f6c7575252c8ae7d51ea9a688bb-1-1.jpg)
Ռուսաստանաբնակ թենիսիստուհի, աշխարհի 75-րդ ռակետ Էլինա Ավանեսյանը դուրս է եկել Ռումինիայի Յասի քաղաքում ընթացող WTA 250 մրցաշարի եզրափակիչ։ Կիսաեզրափակչում նա տպավորիչ հաղթանակ է տարել ֆրանսիացի մարզուհի Քլոե Պակեի նկատմամբ՝ հանդիպումն ավարտելով 6-2, 6-3 հաշվով, գրում է «Sportball24.com»-ը:
Մեկ օրում 21-ամյա թենիսիստը կարողացել է միանգամից երկու հաղթանակ տանել։ Առավոտյան նա ավարտել է մրցախաղը ռումինացի թենիսիստուհի Կրիստիայի հետ․ առաջին սեթում հանդիպումն ընդհատվել է 2-0 հաշվով և ավարտվել հաջորդ առավոտյան, Էլինան հաղթել է 7-5, 6-4 հաշվով։ Եվ ընդամենը երեք ժամ անց նա կրկին դուրս է եկել կորտ և վստահ հաղթել Քլոե Պակեին՝ ապահովելով իր տեղը եզրափակչում։
Եզրափակչում, որը տեղի կունենա հուլիսի 26-ին, Էլինան կհանդիպի 17-ամյա ռուս թենիսիստուհի Միրրա Անդրեևայի հետ։
Նշենք, որ Էլինա Ավանեսյանն իր կարիերայում առաջին անգամ է դուրս է եկել WTA եզրափակիչ։