ԵՄ-ին անդամակցությունը և Ռուսաստանի հետ նորմալ հարաբերություններն անհամատեղելի են. Դմիտրի Բաբիչ
06 Մարտի 2024, 23:35
Քաղաքագետ Դմիտրի Բաբիչը Alpha News-ի եթերում մեկնաբանել է լուրերն այն մասին, որ ՀՀ վարչապետ Նիկոլ Փաշինյանը ցանկանում է մինչև աշուն ներկայացնել Հայաստանի՝ ԵՄ-ին անդամակցելու հայտը։
«ԵՄ անդամակցությունը և նորմալ ինտեգրումը կամ նույնիսկ նորմալ հարաբերությունները Ռուսաստանի հետ, առավել ևս անդամակցությունը Հավաքական անվտանգության պայմանագրի կազմակերպությանը, անհամատեղելի են։
Ռուսաստանը երկար տարիներ փորձել է հասնել նրան, որ դա համատեղելի լինի, բայց Ուկրաինայի օրինակով, իսկ Ուկրաինան ամենացավոտ, ծանր, բայց վառ օրինակն Է, Եվրամիությունը ցույց տվեց, որ նման ընտրություն չի տալիս։ Ուկրաինայի հետ կապված իրադարձությունները ցույց տվեցին, որ դա անհնար է։ Ընդ որում, նույն ընտրության առաջ էին դնում Մոլդովային։ Եվ շատերը հույս ունեին, որ Մոլդովան կկարողանա մուտք գործել այս միասնական տնտեսական տարածք՝ պահպանելով հեռանկարը: Բայց ամեն անգամ Եվրամիությունն ասել է, որ դա անհնար է, դուք պետք է ընտրեք»,- ասել է Բաբիչը։
Փորձագետի կարծիքով՝ եթե Հայաստանը լրջորեն անդամակցի Եվրամիությանը, ապա ստիպված կլինի միանալ հակառուսական պատժամիջոցներին։
«Ինչ վերաբերում է դրան Ռուսաստանի արձագանքին, ապա ես ձեզ փորձից կասեմ, որ որոշ ժամանակ Ռուսաստանը դեռ հավատարիմ կմնա նրան, որ մենք համաձայնագրեր ունենք Հայաստանի հետ և ոչ միայն ՀԱՊԿ-ի, այլ նաև այլ համաձայնագրեր, մենք ունենք խորհրդային բարեկամություն: Բայց եթե Հայաստանը լրջորեն անդամակցի Եվրամիությանը, ապա պետք է միանա հակառուսական պատժամիջոցներին։ Բացի այդ, Հայաստանը ստիպված կլինի Ռուսաստանի նկատմամբ վիզային ռեժիմ սահմանել։
Եվ դա կհանգեցնի էլ ավելի օտարացման և Հայաստանի ղեկավարության նկատմամբ Ռուսաստանի քննադատական վերաբերմունքի։ Բայց ես կարծում եմ, որ միևնույն ժամանակ Մոսկվան կխոսի, որ մենք ոչ թե ինչ-որ թշնամի ենք կամ հիասթափված ենք հայ ժողովրդից, այլ հիասթափվել ենք Հայաստանի վարչապետ Նիկոլ Փաշինյանից: Ես կարծում եմ, որ սա մենք կլսենք», — եզրափակել է Բաբիչը։
Հիմա եթերում
