ԵՄ-ն խստացնում է վերահսկողությունը. Ադրբեջանն ու Թուրքիան պետք է ապացուցեն գազի ծագումը

ԵՄ խորհուրդը հաստատել է ռուսական գազից աստիճանաբար հրաժարվելու ծրագիրը և պարտավորեցրել է մատակարարներին 2026 թվականի հունվարի 1-ից սկսած, նախքան վառելիքի ներկրումը, ներկայացնել դրա ծագման երկրի ապացույցները։

Նոր համակարգը նախատեսում է նախնական մաքսային թույլտվություն, իսկ ռուսական գազի պահեստավորումը ԵՄ տարածքում կարգելվի։

Այսպիսով, թուրք-բուլղարական սահմանի «Ստրանջա-1 / Մալկոչլար» կետով մտող գազն ինքնաբերաբար կհամարվի ռուսական, եթե չներկայացվեն այլ ծագումը հաստատող փաստաթղթեր։ Ըստ ԵՄ կանոնակարգի՝ Թուրքիան և Ադրբեջանը պարտավոր են ներմուծումից յոթ աշխատանքային օր առաջ ապացուցել, որ իրենց մատակարարումները կապված չեն Ռուսաստանի հետ։