Էմին Օհանյանը մրցանակի է արժանացել Դուբայի մրցաշարում

Էմին Օհանյանը «Dubai Open 2023 – Category A» մրցաշարում 9 հնարավորից վաստակեց 6 միավոր, զբաղեցրեց 7-րդ հորիզոնականը, լրացրեց գրոսմայստերի նորմա, բարելավեց իր վարկանիշը 29 կետով և արժանացավ մրցանակի, գրում է ArmSport.am-ը:

Հիշեցնում ենք, որ Էմինը նորման լրացրեց երրորդ անգամ, ինչը նշանակում է, որ կոչումը ստանալու համար նրան մնում է միայն իր միջազգային վարկանիշը հասցնել 2500-ի: Այժմ Էմինի վարկանիշը 2489 է:

Շանթ Սարգսյանը նույնպես վաստակեց 6 միավոր և լրացուցիչ ցուցանիշներով զբաղեցրեց 11-րդ հորիզոնականը։

Մամիկոն Ղարիբյանը և Արթուր Դավթյանը վաստակեցին 4 միավոր, Մարիամ Մկրտչյանը՝ 3.5 միավոր: