Երազում էր Արցախի նախագահ դառնալ, բայց ընտրեց ֆուտբոլի ուղին

Սուրբ Գրիգոր Նարեկացի գիմնազիայի սան Վիտալի Սահակովը մանկուց երազում էր Արցախի նախագահ դառնալու մասին։ Սակայն ժամանակի ընթացքում նա տարվեց սպորտով, և այժմ ձգտում է մեկ այլ նպատակի՝ փառքի հասնել ֆուտբոլում և ներկայացնել Հայաստանը միջազգային ասպարեզում։

«Հայաստանը միշտ իմ սրտում է: Մենք հաճախ ենք ընտանիքով այնտեղ լինում։ Հատկապես տպավորիչ էր Տաթև ուղևորությունը, որտեղ մկրտեցին քույրիկիս։ Ես ուզում էի ծառայել Արցախին որպես նախագահ, բայց հետո տարվեցի ֆուտբոլով։ Հիմա իմ երազանքն է դառնալ հայտնի ֆուտբոլիստ՝ Հենրիխ Մխիթարյանի նման, և ներկայացնել իմ հայրենիքն ամբողջ աշխարհում»,- ասել է Վիտալին: