Երբ ավարտվի ռուս-ուկրաինական պատերազմը, ՀՀ-ի և ՌԴ-ի հարաբերությունները կդառնան պակաս խնդրահարույց. Քեն Խաչիկյան
03 Դեկտեմբերի 2024, 23:00
Եթե Թրամփը հաջողության հասնի և դադարեցնի ռուս-ուկրաինական պատերազմը, դա դրական ազդեցություն կունենա Հայաստանի վրա։ Այս մասին Alpha News-ի հետ զրույցում հայտարարել է հասարակական գործիչ Քեն Խաչիկյանը։
«Եթե ռուս-ուկրաինական պատերազմը դադարի կամ երկարաժամկետ հրադադար հաստատվի, ապա Ռուսաստանի վիճակը կբարելավվի։
Արևմտյան Եվրոպա ռուսական էներգակիրների մատակարարումների դադարեցման խնդիրը գնալով ավելի կսրվի։ Եվրոպան ավելի քիչ կախված կլինի Ադրբեջանի էներգակիրների մատակարարումից, իսկ Արևմուտքի համար Ադրբեջանի ազդեցությունն ու նշանակությունը կնվազի։
Դա ճիշտ նույնն է, ինչ տեղի է ունենում Մերձավոր Արևելքում: Եթե խաղաղություն լինի, ապա Լիբանանում, Սիրիայում, ողջ Մերձավոր Արևելքում ապրող հայերը ավելի քիչ ռիսկի կենթարկվեն։ Եվ հնարավոր է՝ Իրանը դառնա ավելի քիչ օտարված պետություն: Ես այնքան էլ լավատես չեմ այս հարցում, բայց Իրանն արդեն ազդարարում է, որ շատ ավելի քիչ թշնամական դիրք է զբաղեցնում, քան նախկինում։
Եվ հնարավոր է, որ «մտրակի ու բլիթի» մեթոդը, որն օգտագործում է Թրամփը, ձեռնտու լինի հայերին։ Ես հատուկ ասում եմ «մտրակ և բլիթ», քանի որ Թրամփը նախ օգտագործում է մտրակը, հատկապես Իրանի հետ կապված: Իրանում արձագանքում են և վերադառնում ավելի ավանդական ընդունված վարքագծին: Այսպիսով, եթե Ուկրաինայում և Մերձավոր Արևելքում իրավիճակը բարելավվի, ապա հայերի վիճակն էլ ավելի լավ կլինի՝ եթե ոչ ուղղակի,այլ անուղղակի», — նշել է Խաչիկյանը։
Հիմա եթերում
