Էրդողանը ժամանակ չունի, նա կարող է ամեն ինչ անել. Եվգենի Սատանովսկի
19 Հունիսի 2023, 16:20
Թուրքիայի նախագահ Ռեջեփ Թայիփ Էրդողանը կայսրություն է կառուցում և հինգ տարի ունի այն ավարտելու համար։ Իսկ եթե խոսենք այն մասին, թե ով է ղեկավարում Հարավային Կովկասում կամ Անդրկովկասում, ապա կան Իրանն ու Ռուսաստանը։
Այս մասին Alpha News-ին տված հարցազրույցում ասել է Մերձավոր Արևելքի ինստիտուտի հիմնադիր և նախագահ, պրոֆեսոր Եվգենի Սատանովսկին՝ պատասխանելով այն հարցին, թե ինչպես կզարգանան ռուս-թուրքական հարաբերությունները Էրդողանի վերընտրվելուց հետո՝ հաշվի առնելով, որ Անկարան համառորեն մեծացնում է իր ազդեցությունը աշխարհում,հատկապես հետխորհրդային տարածքում՝ փաստացի դառնալով Հարավային Կովկասի գլխավոր խաղացողը և ուղղված դեպի Կենտրոնական Ասիան։
«Եվ ոչ ոք չգիտի: Ամեն ինչ կախված է նրանից՝ նա կգնա՞ կոնֆլիկտի, թե՞ ոչ։ Էրդողանը կայսրություն է կառուցում և հինգ տարի ունի ավարտելու այն ամենը, ինչ կարող է կառուցել իր պաշտոնավարման ընթացքում: Նա այլևս չունի ժամանակ և, հետևաբար, կարող է ամեն ինչ անել։ Եթե սրվի, մենք կպատերազմենք: Եթե չստացվի, ապա, մեղմ ասած, կփորձենք մրցել, բայց ոչ պատերազմել։ Իսկ թե ով է ղեկավարում Հարավային Կովկասում, Անդրկովկասում, դե տեսեք՝ Իրան կա, Ռուսաստանն էլ այդքան հեռու չէ »,- ասել է Սատանովսկին։
Հիմա եթերում
