Էրդողանը ստիպել է ամերիկացիներին ուտել իր կերակրած գորտը. Յակով Կեդմին՝ ԱՄՆ-Թուրքիա F-16 գործարքի մասին
14 Փետրվարի 2024, 23:50
Քաղաքագետ Յակով Կեդմին Alpha News-ին մեկնաբանել է լուրերն այն մասին, որ ԱՄՆ Կոնգրեսը հավանություն է տվել Թուրքիայի հետ F-16 կործանիչների գործարքին, ինչպես նաև ռուս-թուրքական հարաբերություններին։
«Էրդողանը շատ լավ խաղաց այն խաղաքարտերով, որոնք ուներ: Նա ստիպեց ամերիկացիներին ուտել իր կերակրած գորտը, և ոչ թե միայն գորտ, այլ մի ամբողջ ճահիճ։ Էրդողանը կարծում է, որ հիանալի հարաբերություններ ունի Ռուսաստանի հետ։ Թուրքիան Ռուսաստանից ստացել է С-400-ներ՝ չնայած բոլոր սպառնալիքներին, իսկ հիմա նա ամերիկացիներին ստիպել է իրեն փոփոխված F-16 տալ։ Նա նրանց պարզապես ստիպել է սովորական մանր շանտաժով։ Ասել է ՝ ուզում եք Շվեդիան և Ֆինլանդիան ՆԱՏՕ-ում լինեն, ապա տվեք ինքնաթիռը, և վերջ, ամերիկացիները զիջել են», — ասել է Կեդմին։
Ինչ վերաբերում է ռուս-թուրքական հարաբերություններին, ապա, ըստ փորձագետի, Ռուսաստանն ու Թուրքիան փորձում են այդ հարաբերություններից կորզել այն, ինչ իրենց պետք է։
«Ռուսաստանն ու Թուրքիան փորձում են այդ հարաբերություններից դուրս բերել այն, ինչ իրենց պետք է։ Ռուսաստանը Թուրքիայից ստանում է այն, ինչ անհրաժեշտ է համարում, իսկ Թուրքիայում մերժում չկա։ Իսկ Թուրքիան Ռուսաստանից ստանում է այն, ինչ իրեն պետք է։ Քանի դեռ Ռուսաստանին ավելի շատ հետաքրքրում են Թուրքիայի հետ տնտեսական հարաբերությունները, այդ հարաբերությունները հիանալի են զարգանում։ Իսկ Էրդողանի չարաճճիություններին Մոսկվայում վաղուց են սովորել։ Բայց Թուրքիայի համար կարևորն այն է, որ Ռուսաստանի հետ իր սիրախաղով ճնշում է գործադրում ՆԱՏՕ-ի, ամերիկացիների վրա՝ ասելով, թե լսեք, մեզ հետ քաղաքավարի եղեք, թե չէ մենք կգնանք Ռուսաստանի մոտ։ Իսկ Միացյալ Նահանգների համար Թուրքիան ՆԱՏՕ-ում կրիտիկական կետ է», — ասել է Կեդմին։
Խոսելով վերընտրվելուց հետո Հայաստանի նկատմամբ Ադրբեջանի նախագահ Իլհամ Ալիևի քաղաքականության մասին՝ քաղաքագետն ասել է, որ Ալիևը Թուրքիայի աջակցությամբ շարունակելու է ճնշում գործադրել Հայաստանի վրա։
«Ադրբեջանը կարծում է, որ Հայաստանի հետ ունի չլուծված խնդիրներ, Հայաստանից զիջումներ են պահանջում։ Եվ Ադրբեջանը ձգտելու է սրան, քանի որ գիտի, թե ով է կանգնած Հայաստանի գլխին։ Ալիևը մեկ անգամ կոտրեց Փաշինյանին, երկրորդ և երրորդ անգամ էլ կկոտրի:
Միակ երկիրը, որն այսօր հավատարիմ է այն սկզբունքներին, որ իր բանակը թույլ չի տա հայկական տարածքի զավթում և օտարերկրյա զորքերի ներխուժում, դա Ռուսաստանն է։ Փաշինյանը Հայաստանը քաշում է ամենավատ վիճակի մեջ՝ հույսը դնելով Եվրոպայի ու Ֆրանսիայի ժպիտների վրա, ապավինելով նրանց՝ իրեն օգնելու համար։ Թեև անձամբ իրեն՝ այո, բայց ոչ հայ ժողովրդին»,- եզրափակել է Կեդմին։
Հիմա եթերում
