«Երևան ՖԱ»-ն՝ ՀՀ ֆուտզալի Բարձրագույն խմբի հաղթող
01 Հունիսի 2023, 14:35
![](https://media.alphanews.am/wp-content/uploads/2023/06/01125815/ef1f5b5ed91ccf99af5cf7f0c0b6a409.jpg)
ՀՖՖ Տեխնիկական կենտրոն/ֆուտբոլի ակադեմիայում կայացավ ՀՀ ֆուտզալի Բարձրագույն խմբի 2022/2023 թթ․առաջնության եզրափակիչ երրորդ՝ վճռորոշ հանդիպումը: «Երևան ՖԱ»-ն հաղթեց «Լեոսթանդքոյինին» 5:4 հաշվով:
Խաղի հիմնական ժամանակն ավարտվեց ոչ-ոքի՝ 4:4 հաշվով: Ավելացված ժամանակում «Երևանը» ևս մեկ գոլ խփեց ու հաղթեց դիմակայությունում` հռչակվելով չեմպիոն, հաղորդում է ՀՖՖ-ի կայքը:
«Երևանի» կազմում գոլերի հեղինակներ դարձան Գեղամ Թումբարյանը, Էդգար Մկրտչյանը, Ռաֆիկ Մելիքյանը, Աղասի Եղիազարյանը և Միհրան Դերմենջյանը: «Լեոսթանդքոյինի» կազմում դուբլի հեղինակ դարձավ Էդվարդ Մկրտչյանը, 1 գոլ խփեց Սարո Գալստյանը, Արթուր Պատատյանն էլ ինքնագոլ գրանցեց: