Երևանում մայիսմեկյան երթ է անցկացվել

Աշխատանքի և աշխատավորների միջազգային օրվա առթիվ Հայաստանի արհմիությունների կոնֆեդերացիան մայիսմեկյան երթ է արել, որը կրում է «‎Արժանապատիվ աշխատանք»‎ խորագիրը։

Երթը մեկնարկել է Աբովյան պուրակից։

Հայաստանի արհմիությունների կոնֆեդերացիայի նախագահ Էլեն Մանասերյանը լրագրողների հետ զրույցում նշել է, որ երթի նպատակը ևս մեկ անգամ բարձրաձայնել է աշխատանքային պայմանների բարելավմանն առնչվող հարցերն ու խնդիրները։