Ես կողմ եմ Դոնալդ Թրամփին ու նրա «տղամարդավարի» մոտեցումներին․ Զոհրապ Բեկ-Գասպարենց
21 Փետրվարի 2025, 23:35
Հոլիվուդում նկարահանում են ֆիլմեր, որոնք տարածում են այլասերվածություն։ Alpha News-ի ուղիղ եթերում ասել է դերասան, բեմադրիչ Զոհրապ Բեկ-Գասպարենցը։․
«Որպես ԱՄՆ-ի քաղաքացի ու առաջին հերթին հայ՝ անձամբ Թրամփին եմ ընտրել մի պարզ պատճառով․ այն, ինչ Թրամփն առաջարակել էր, հիմա դրանք կատարում է։ Այսպես որ շարունակվեր, մի օր հնարավոր է Հոլիվուդում ականատես լինեինք «Ռոմենո և Ջուլիետ»-ի բեմադրության՝ տրանսգենդերների մասնակցությամբ։ Ես կողմ եմ Դոնալդ Թրամփին ու նրա «տղամարդավարի» մոտեցումներին»,- նկատել է մեր զրուցակիցը։
Նրա խոսքով՝ Հոլիվուդում շատերն ազատությունը շփոթում են սանձարձակության հետ։
«Ազատությունը լկտիությունը չէ։ Ես կողմ եմ, որ Հոլիվուդը վերանայվի, որովհետև այն գումարները, որ ծախսում են ֆիլմեր նկարահանելու համար, պիտի լինեն համամարդկային թեմաների մասին։
Ուրախ եմ, որ ամերիկյան կինոաշխարհը կլինի ավելի մարդկային, ավանդական, պարզ ու ճշմարիտ։ Որովհետև այն այլասերված երևույթները, որոնք կային, տեսնում էիր ու ինքդ քեզ հարց տալիս՝ երեխայիս սա ո՞նց ցույց տամ»,- նշել է Զոհրապ Բեկ-Գասպարենցը։
Հիմա եթերում
