Եթե Երևանը հրաժարվի ռուսական միջնորդությունից, այլընտրանքը կլինեն Հայաստան-Ադրբեջան երկկողմ բանակցությունները. Ալիև
11 Հոկտեմբերի 2023, 15:00
Ադրբեջանը երախտագիտությամբ է ընդունում Ռուսաստանի միջնորդությունը Բաքվի և Երևանի միջև հարաբերությունների կարգավորման հարցում:
ՏԱՍՍ-ի փոխանցմամբ՝ այս մասին հայտարարել է Իլհամ Ալիևը։
Ադրբեջանի նախագահի խոսքով՝ եթե Երևանը հրաժարվի ռուսական միջնորդությունից, այլընտրանք կարող են լինել Ադրբեջանի և Հայաստանի արտգործնախարարների միջև ուղիղ բանակցությունները։
«Մենք երախտագիտությամբ ենք ընդունում Ռուսաստանի Դաշնության միջնորդությունը, քանի որ Ռուսաստանը մեր հարեւանն ու դաշնակիցն է, ինչպես նաև Հայաստանի դաշնակիցը։ Այս երկիրը մեր տարածաշրջանում է՝ ի տարբերություն նրանց, ովքեր հազարավոր կիլոմետրեր հեռու են։ Եվ, բնականաբար, մեր երկրների հարաբերությունների պատմությունը ենթադրում է ռուսական կողմի միջնորդություն»,- ասել է Ալիևը՝ ընդունելով ԱՊՀ անդամ պետությունների անվտանգության մարմինների և հատուկ ծառայությունների ղեկավարների խորհրդի 53-րդ նիստի մասնակիցներին։
Հիմա եթերում
