Եվրասիական զարգացման բանկը նախատեսում է մասնակցել մետրոյի «Աջափնյակ» կայարանի կառուցմանը

Եվրասիական զարգացման բանկը (ԵԱԶԲ) ծրագրում է մասնակցել Երևանի կենտրոնում մետրոյի «Աջափնյակ» կայարանի և Համաշխարհային Առևտրի կենտրոնի համալիրի, ինչպես նաև Գյումրիում տրանսպորտային-լոգիստիկ կենտրոնի կառուցման նախագծերին՝ Հարավկովկասյան երկաթուղու հետ համատեղ:

«Այժմ քննարկվում է հայկական մետրոյի վերակառուցման նախագիծը, որտեղ մենք կցանկանայինք ակտիվորեն մասնակցել Երեւանի քաղաքային ենթակառուցվածքների զարգացմանը։ Մեզ համար հետաքրքիր են նաև մի շարք արդյունաբերական նախագծեր», — հայտարարել է ԵԱԶԲ վարչության նախագահ Նիկոլայ Պոդգորովը՝ պատասխանելով Alpha News-ի հարցին։

Իր հերթին ԵԱԶԲ ավագ գործադիր տնօրեն Դենիս Իլյինը նշել է, որ հաջորդ տարի բանկը քննարկում է Գյումրիում տրանսպորտային-լոգիստիկ կենտրոնի նախագիծը ՀԿԵ-ի հետ համատեղ եւ Երեւանի քաղաքապետարանի հետ համատեղ մետրոյի «Աջափնյակ» կայարանի կառուցումը:

«Սա կարևոր նախագիծ է քաղաքի համար, սակայն փաստաթղթերի պատրաստման համար լուրջ աշխատանք է պահանջվում, որի համար մենք պատրաստ ենք ֆինանսական միջոցներ հատկացնել։ Քննարկում ենք: Դրանք նաև բժշկական ենթակառուցվածքների զարգացման նախագծեր են», — ասել է նա։

Իլյինը հատուկ նշել է Renshin ընկերության կողմից Երեւանի կենտրոնում World Trade Center Yerevan խոշոր գրասենյակային-հյուրանոցային համալիրի կառուցման նախագիծը:

«Մենք դիտարկում ենք նշանակալի նախագիծ մեր պորտֆելում՝ դա Երեւանում համաշխարհային առեւտրի կենտրոնի կառուցումն է։ Սա մեգանախագիծ է քաղաքի համար, և մեր մասնակցությունն այդ նախագծին կարևոր է», — ընդգծել է ԵԶԲ ներկայացուցիչը։