Եվրախորհրդարանի հանձնաժողովը Թուրքիային կոչ է անում ճանաչել Հայոց ցեղասպանությունը
19 Հուլիսի 2023, 12:57
![](https://media.alphanews.am/wp-content/uploads/2023/07/19102015/43126450_0_0_1601_901_1920x0_80_0_0_cf800e8ffe0ad5376a4975ce194bea92.jpg)
Հուլիսի 18-ին Եվրախորհրդարանի արտաքին հարաբերությունների հանձնաժողովը կոչ է արել Թուրքիային՝ ճանաչել Հայոց ցեղասպանությունը։ Դա արտացոլվել է Թուրքիայի վերաբերյալ զեկույցում, որը կներկայացվի Եվրախորհրդարանի հաստատմանը։ Զեկույցում Թուրքիային կոչ է արվել նաև ամբողջությամբ կատարել հայկական մշակութային ժառանգությունը պաշտպանելու իր պարտավորությունները։
Նշվում է, որ կոմիտեն աջակցում է Հայաստանի և Թուրքիայի միջև հարաբերությունների կարգավորմանը՝ հիմնվելով հաշտեցման, տարածաշրջանային կայունության և անվտանգության շահերի վրա։
«Հանձնաժողովը կոչ է անում արագորեն իրականացնել Հայաստանի և Թուրքիայի հատուկ ներկայացուցիչների պայմանավորվածությունները, ինչպիսիք են երկու երկրների օդային տարածքի և սահմանի վերաբացումը, և ողջունում է մինչ այժմ արձանագրված առաջընթացը՝ գոհունակությամբ նշելով Հայաստանի ներկայությունը Թուրքիայի նախագահի երդմնակալության արարողությանը»,- ասվում է հաղորդագրության մեջ։