Եվրոպայի պատանիների արագ և կայծակնային շախմատի առաջնությունում հայ շախմատիստները նվաճել են 3 ոսկե և 2 բրոնզե մեդալ
21 Օգոստոսի 2024, 20:11
![](https://media.alphanews.am/wp-content/uploads/2024/08/21185720/17242430443541_1a6376b0020646e770da7492aa96ebcb.jpeg)
Հայաստանի շախմատի ֆեդերացիան ամփոփել է հայ պատանի շախմատիստների արդյունքները Չեխիայի մայրաքաղաք Պրահայում անցկացված 2024 թվականի Եվրոպայի պատանիների արագ և կայծակնային շախմատի առաջնությունում:
Հայ շախմատիստները նվաճել են 3 ոսկե և 2 բրոնզե մեդալ։
ՖԻԴԵ-ի վարպետ Ալեքս Սահակյանը դարձել է Եվրոպայի մինչև 18 տարեկան պատանիների արագ շախմատի չեմպիոն:
Սոնա Կրկյաշարյանը դարձել է Եվրոպայի մինչև 14 տարեկան աղջիկների կայծակնային շախմատի չեմպիոն:
Սոֆիա Բաղրամյանը դարձել է Եվրոպայի մինչև 8 տարեկան աղջիկների կայծակնային շախմատի չեմպիոն, ինչպես նաև արագ շախմատի բրոնզե մեդալակիր:
Եվրոպայի մինչև 10 տարեկան պատանիների արագ շախմատի թիմային առաջնությունում Հայաստանի թիմը դարձել է բրոնզե մեդալակիր: Թիմը ներկայացնում էին Դավիթ Մելքոնյանը, Աշոտ Ավետիսյանը, Արմեն Վարդանյանը և Սլավա Կոնջորյանը:
Թիմի ղեկավարն էր ՖԻԴԵ-ի վարպետ Տիգրան Գասպարյանը: