Ֆելիքս Աղաջանյան. Ժպիտ պարգևող արտիստը

Ապրիլի 19-ը ծաղրածու, դերասան Ֆելիքս Աղաջանյանի ծննդյան օրն է:

Տաղանդավոր արտիստը ծնվել է 1957 թվականին Լենինգրադում։ 19 տարեկանում ընդունվել է Մնջախաղի ստուդիա՝ Վյաչեսլավ Պոլունինի ղեկավարությամբ։

Միաժամանակ Ֆելիքսը սովորել է մնջախաղի մեկ այլ ստուդիայում՝ տաղանդավոր Ալեքսանդր Սկվորցովի ղեկավարությամբ։ Շուտով Աղաջանյանը հայտնվել է Պոլունինի և Սկվորցովի հիմնադրած «Լիցեդեյ» անսամբլի առաջին կազմի հինգ անդամներից մեկը։ Նրա խաղը զարդարում էր «Երևակայողները» և «Լիցեդեյ»-ի ներկայացումները, որոնք կյանքի էին կոչվում «Փորձ» թատրոնի բեմում:
Նա դասավանդել է նաև Կարլ Մարքսի անվան մշակույթի պալատի մնջախաղի ստուդիայում։

Ֆելիքս Աղաջանյանը համագործակցելով Միխայիլ Շիշկինի հետ՝ հիմնել է «Գրոգ» թատրոնը։

Նա հայտնի է դարձել նաև Ռուսաստանի սահմաններից դուրս։ Նրա հյուրախաղերն ընդգրկում էին այնպիսի երկրներ, ինչպիսիք են Գերմանիան, Լեհաստանը, Շվեյցարիան, Ավստրիան, Բելգիան, Իսպանիան, Իտալիան, Ֆինլանդիան, ԱՄՆ-ը, Վիետնամը, Չինաստանը, Կորեան և այլն։

Ֆելիքս Աղաջանյանը կյանքից հեռացել է 2012 թվականի մայիսի 12-ին։