Ֆրեզնոյում հրկիզել են հայկական գերեզմանատունը, որտեղ թաղված է Սողոմոն Թեհլիրյանը
15 Ապրիլի 2024, 09:53
![](https://media.alphanews.am/wp-content/uploads/2024/04/15093806/photo_2024-04-15_09-20-35-1.jpg)
ԱՄՆ Կալիֆորնիա նահանգի Ֆրեզնո քաղաքում հրկիզել են հայկական գերեզմանատունը, որտեղ թաղված են «Նեմեսիս» գործողության մասնակից, հայ ազգային-ազատագրական շարժման գործիչ Սողոմոն Թեհլերյանը, ամերիկահայ գրող և դրամատուրգ Վիլյամ Սարոյանը և մի շարք այլ նշանավոր հայ գործիչներ:
Գերեզմանատան տնօրինությունը մտավախություն ունի, որ հրկիզումը կապված է Հայոց ցեղասպանության զոհերի հիշատակի օրվա՝ ապրիլի 24-ի հետ:
Ֆրեզնոյի «Արարատ» հայկական գերեզմանատուն հիմնադրվել է 1885 թվականին և շարունակում է գործել Ֆրեզնոյի հայ համայնքի կողմից։ Այն գործում է արդեն մեկ դար։ Գերեզմանատունը առանձնանում է Հայոց ցեղասպանության զոհերի հիշատակին նվիրված հուշարձանով։