Գեորգի Գարանյանի 90-ամյակին Ռուսաստանի տարբեր քաղաքներում համերգներ կանցկացվեն
11 Հունիսի 2024, 01:00
![](https://media.alphanews.am/wp-content/uploads/2024/06/08155834/msg-1001850685992-14196_scheduled.jpg)
Հունիսի 13-16-ը Մոսկվայում, Տուլայում և Դոնի Ռոստովում հայկական ծագումով խորհրդային և ռուսական ջազ, դասական և էստրադային սաքսոֆոնահար, կոմպոզիտոր և դիրիժոր, մի շարք երաժշտական համույթների գեղարվեստական ղեկավար, ՌԴ ժողովրդական արտիստ Գեորգի Գարանյանի հոբելյանի առթիվ տեղի կունենան բիգ բենդ Գարանյանի համերգները: Գեղարվեստական ղեկավարը և գլխավոր դիրիժորը Յուրի Կրասիլնիկովն է:
Ռուսական ջազի վարպետի ծննդյան օրը՝ օգոստոսի 15-ին, Մոսկվայի Ցվետնոյ բուլվարում գտնվող Նիկուլինի կրկեսում տեղի կունենա «Գեորգի Գարանյանի եզրերը» հոբելյանական բազմաժանր շոուն: Ծրագրում ներառված են կրկեսային վտանգավոր հնարքներ, էստրադա և ջազ:
Ելույթ կունենան Գեորգի Գարանյանի «Մեղեդի» անսամբլը, Մարիամ Մերաբովան, Դանիիլ Կրամերը, Դմիտրի Նոսկովը, Ալլա Ռիդը, Ալեքսանդրա Ռոզովսկայան, Մոսկվայի Նիկուլինի կրկեսի նվագախումբը և այլք: Շոուի ռեժիսորը Գեորգի Դոլմազյանն է: Համերգը նկարահանելու է «Կուլտուրա» հեռուստաալիքը։
![](https://media.alphanews.am/wp-content/uploads/2024/06/08155839/msg-1001850685992-14195_scheduled.jpg)
![](https://media.alphanews.am/wp-content/uploads/2024/06/08155834/msg-1001850685992-14196_scheduled.jpg)
![](https://media.alphanews.am/wp-content/uploads/2024/06/08155829/msg-1001850685992-14197_scheduled.jpg)