Գերմանիայի ԱԳՆ-ն կանչել է Թուրքիայի դեսպանին՝ Եվրո 2024-ում ֆուտբոլիստի կողմից արված «Գորշ գայլերի» ժեստի պատճառով
04 Հուլիսի 2024, 16:15
![](https://media.alphanews.am/wp-content/uploads/2024/07/04162122/69543862_905.jpg)
Գերմանիայի ԱԳՆ-ն կանչել է երկրում Թուրքիայի դեսպան Ահմեթ Բաշար Շենին պանթուրքիստական ֆաշիստների (ծայրահեղ աջ ազգայնական «Գորշ գայլեր» խմբավորում) ժեստի պատճառով, որն արել է թուրք ֆուտբոլիստը Եվրո-2024-ում Ավստրիայի հավաքականի դեմ Թուրքիայի հավաքականի հանդիպման ժամանակ գոլը տոնելիս: Այս մասին հաղորդում է Reuters-ը՝ վկայակոչելով Գերմանիայի ԱԳՆ մամուլի քարտուղարին:
«Գերմանիայում Թուրքիայի դեսպանը կանչվել է Բեռլին, քանի որ թուրք ֆուտբոլիստ Մերիխ Դեմիրալը Եվրոպայի առաջնությունում գոլի տոնակատարության ժամանակ ցույց է տվել «Գորշ գայլերի» ժեստը», — գրում է գործակալությունը:
![](https://media.alphanews.am/wp-content/uploads/2024/07/04161931/photo_5201733694069530464_y-767x1024.jpg)