Գեղհովիտում տեղի ունեցավ «Գեղարքունյաց բռնցքամարտի գավաթի» խաղարկություն
30 Մայիսի 2023, 11:00
Գեղարքունիքի մարզի Մարտունի համայնքի Գեղհովիտ գյուղում տեղի ունեցավ «Գեղարքունյաց բռնցքամարտի գավաթի» խաղարկություն՝ նվիրված Հայաստանի Առաջին Հանրապետության օրվան։ Ինչպես «Արմենպրես»-ին տեղեկացրին Մարտունու համայնքապետարանի աշխատակազմից, առաջնությանը մասնակցեցին Մարտունու, Երեւանի «Դինամո» ՄՀԿ-ի, «Բոքսկինգ» ակումբի, Շենգավիթի, Վանաձորի, Աբովյանի, Արտաշատի, Գավառի, Էջմիածնի, Եղեգնաձորի, Սիսիանի, Գորիսի, Քաջարանի, Սեւանի, Վարդենիսի, Նորատուսի, Կարմիրգյուղի, Լճաշենի, Լիճքի եւ այլ բնակավայրերի շուրջ 250 բռնցքամարտիկ:
Թիմային հաշվարկով մրցաշարի հաղթող ճանաչվեց Մարտունու մարզադպրոցը, 2-րդ տեղը զբաղեցրեց Վանաձորի թիմը, իսկ եռյակը եզրափակեց Շենգավիթը ներկայացնող թիմը:
Առաջնությունը կազմակերպել էին Մարտունու մարզադպրոցը եւ Գեղարքունիքի մարզի բռնցքամարտի ֆեդերացիան:
Հիմա եթերում
