Գիտնականներ Յուրի Հովհաննիսյանն ու Համլետ Խոջիբաղյանը դարձել են ռուսական հեռուստաալիքների հաղորդումների հերոսներ
11 Փետրվարի 2024, 00:37
Ռուսական գիտության օրվա առթիվ Ռուսաստանի «Առաջին ալիք»-ը պատմել է Համլետ Խոջիբաղիյանի՝ գերհաղորդիչների վրա հիմնված մագնիսական համակարգերի մշակման մասին:
«Միջուկային հետազոտությունների միացյալ ինստիտուտից Համլետ Խոջիբաղյանը գերհաղորդիչների համար նյութ է մշակել, որն աշխատում է ոչ թե շատ սառը հելիումի, այլ հեղուկ ազոտի ջերմաստիճանում. այն ավելի տաք է, իսկ դա ավելի էժան է և ավելի արդյունավետ։ Տեխնոլոգիան հնարավորություն կտա ստեղծել շատ մեծ հզորությամբ։ Այս զարգացման համար Համլետ Գեորգիևիչին շնորհվել է «Մարտահրավեր» մրցանակը», — ասվում է սյուժեում։
Իսկ НТВ-ն պատրաստել է ծրագիր ակադեմիկոս Յուրի Հովհաննիսյանի գիտական ուղու մասին:
«Մերձմոսկվայում կա մի սարքավորում, որը բառացիորեն շնչում է։ Այն միջուկային ռեակցիաների լաբորատորիայի մի մասն է, որտեղ ստացվել են իմաստալից անուններով բնության մեջ գոյություն չունեցող 10 տարրեր։ «Դուբնի» տարրն անվանվել է Դուբնա քաղաքի անունով։ Հենց այնտեղ է ստացվել ամենածանր տարրը՝ «Օգանեսոնը»։ Սա պատմության մեջ հազվագյուտ դեպքն է, ավելի ճիշտ՝ ընդամենը երկրորդ անգամ է, որ մարդու կյանքի ընթացքում քիմիական տարրն անվանակոչվել է նրա ազգանունով։
Ամենակարևոր որոշումները կայացվում են ակադեմիկոս Ֆլերովի գրասենյակ-թանգարանում։ Յուրի Ցոլակի Հովհաննիսյանը խոստովանում է, որ «Օգանեսոն» տարրի անվան հետ կապված որոշում կայացնելիս ներկա չի եղել։ Գիտական հանրությունն առաջարկել է տարրն անվանել նրա ազգանունով՝ ի նշան բարձր գնահատանքի գերծանր տարրերի հետազոտության մեջ նորարարական ներդրման համար», — նշվում է ծրագրում։
Հիմա եթերում
