Գլենդելում անցկացվել է նորընտիր քաղաքապետի ընդունելությունը

Մայիսի 25-ին ANCA-ի Արևմտյան շրջանի ընկերները՝ համայնքային ակտիվիստ Ռոննի Ղարիբյանի գլխավորությամբ, կազմակերպեցին ընդունելություն Կալիֆորնիա նահանգի Գլենդել քաղաքի նորընտիր քաղաքապետ Դեն Բրոտմանի համար: Միջոցառման նպատակն էր ողջունելու Բրոտմանին իր նոր պաշտոնում, ներկայացնելու համայնքի անդամներին և հնարավորություն ընձեռելու ANCA-ի Արևմտյան շրջանի աջակիցներին հանդիպելու և ողջունելու ներկա բազմաթիվ պաշտոնյաների։

Լինելով հայկական սփյուռքի ամենամեծ հայկական ընտրատարածքներից մեկը և ANCA-ի Արևմտյան շրջանի կենտրոնակայանի տունը, Գլենդելը ծառայում է որպես տուն հայ համայնքի բազմաթիվ անդամների համար։ ANCA-ի Արևմտյան շրջանը և տեղական մասնաճյուղերը սերտորեն գործակցում են քաղաքի հետ՝ լուծելու հարցեր՝ սկսած հայատյացության դեմ պայքարի անհրաժեշտությունից մինչև Բաքվի ցեղասպան ռեժիմի կողմից ցեղասպանության և էթնիկ զտումների վտանգի առջև ծառացած Արցախի հետ ամուր համերաշխություն ցուցաբերելը:

Շուրջ հարյուր համայնքի ղեկավարներ և կազմակերպությունների ներկայացուցիչներ էին ներկա միջոցառմանը, այդ թվում` Արևմտյան թեմը, Հայկական մշակութային հիմնադրամը, Հայ-ամերիկյան թանգարանը, Սուրբ Մարիամ եկեղեցին։

«Պատիվ է լինել մի քաղաքի քաղաքապետ, որն ունի այդքան հարուստ հայ համայնք: Ես շատ ընկերներ եմ ձեռք բերել և հույս ունեմ, որ գալիք տարում կխորացնեմ իմ կապերը համայնքի հետ»,-ասաց Բրոտմանը։

Դեն Բրոտմանն ընտրվել է Գլենդելի քաղաքապետ այս տարվա ապրիլի 4-ին՝ փոխարինելով Արդի Քասախյանին։ «Ես կշարունակեմ աշխատել ձեզ հետ, որպեսզի Գլենդելը դառնա լավագույն քաղաքը, և ես պատրաստ եմ ամեն կերպ աջակցել մեր նոր քաղաքապետին»,-ասաց նախկին քաղաքապետը։

Նշենք, որ Գլենդելում Լոս Անջելեսի շրջանի ամենամեծ հայկական համայնքն է։