Գնդակն այժմ Հայաստանի ղեկավարության դաշտում է. Ալեքսեյ Մուխինը՝ Հայաստանի և Ռուսաստանի հարաբերությունների մասին
27 Սեպտեմբերի 2023, 21:30
Քաղաքական տեղեկատվության կենտրոնի գլխավոր տնօրեն Ալեքսեյ Մուխինը Alpha News-ի հետ զրույցում անդրադարձել է ռուս-հայկական հարաբերություններին եւ դրանց հետագա զարգացման հեռանկարներին: Փորձագետի կարծիքով, իրավիճակը բարդ է, սակայն այն այժմ ամբողջությամբ ստեղծվել է Հայաստանի ղեկավարության կողմից։
«Գնդակը հիմա Հայաստանի ղեկավարության դաշտում է, մասնավորապես՝ Նիկոլ Փաշինյանի, որը չգիտես՝ ինչու, որոշեց, որ իր արևմտյան գործընկերների՝ ԱՄՆ-ի և ֆրանսիացիների խոստումները ավելի կարևոր են, քան այն պարտավորությունները, որոնք նա ստանձնել է, և որը Ռուսաստանն ունի: Այս փուլում դա գերիշխող է հայկական և ռուսական կողմերի միջև բանակցություններում։
Քանի դեռ Փաշինյանը հավատարիմ է մնում այս վարքագծին, ցավոք սրտի, չի կարող կառուցողական որեւէ բան պայմանավորվել Ռուսաստանի հետ։ Բայց, ըստ երեւույթին, դա նրա ծրագրերի մեջ չի մտնում։ Նրա ծրագրերը ներառում են այն, ինչ Զելենսկին արել է երկու տարի առաջ՝ հատուկ ռազմական գործողությունից առաջ»,- ասել է Մուխինը։
Ըստ քաղաքագետի՝ Ադրբեջանը, Փաշինյանի հայտարարությունից հետո, արեց այն, ինչ արեց:
«Նիկոլ Փաշինյանը ճանաչեց Ադրբեջանի ինքնիշխանությունը Լեռնային Ղարաբաղի նկատմամբ, վե՛րջ, Ռուսաստանը ելնում է Նիկոլ Փաշինյանի այս հայտարարությունից, Ադրբեջանն արեց այն, ինչ արեց՝ Նիկոլ Փաշինյանի հայտարարությունից հետո, և ռուսական կողմի ձեռքերը կապված էին Նիկոլ Փաշինյանի հայտարարության հետո: Հարցեր Նիկոլ Փաշինյանին՝ ինչո՞ւ նա դա արեց, կուզենայի իմանալ, իսկապես, շատ հետաքրքիր է, քանի որ մինչ այդ եղել են եռակողմ պայմանագրեր, որոնք գործում էին, բայց այս հայտարարությունից հետո դրանք, մասամբ, դադարեցին գործել»,- նշել է փորձագետը։
Խոսելով տարածաշրջան Արևմուտքի ներխուժման մասին՝ Մուխինը նշել է, որ դա տեխնիկապես դժվար է պատկերացնել։
«Ֆրանսիան դժվար թե նման մոդել օգտագործի, ԱՄՆ-ն, եթե նման մոդել օգտագործի, մի կողմից կփորձի ռուս զինվորականներին դուրս մղել տարածաշրջանից՝ Հայաստանից, մյուս կողմից՝ լցնել տարածաշրջանն իրենց լրացուցիչ ոչ առևտրային կազմակերպություններով, որոնք վերահսկելու են քաղաքական դաշտը՝ անձամբ աջակցելով Նիկոլ Փաշինյանին»,- եզրափակել է Մուխինը:
Հիմա եթերում
