Գոլ ու 2 գոլային փոխանցում․ Սելարայանը ճանաչվել է խաղի լավագույն ֆուտբոլիստ

01 Հունիսի 2023, 17:35

Հայեր | Սպորտ

ArmSport-ի փոխանցմամբ՝ ամերիկյան MLS-ի կանոնավոր առաջնության 16-րդ տուրում «Քոլամբուս Քրյուն»սեփական հարկի տակ ընդունել է «Կոլորադո Ռապիդսին» և 3:2 հաշվով հաղթանակ է տարել: Հայաստանի ազգային հավաքականի հարձակվող Լուկաս Սելարայանը գոլի հեղինակ է դարձել այս խաղում՝ աչքի ընկնելով հանդիպման 37-րդ րոպեին:

Երկրորդ խաղակեսում Սելարայանը նաև երկու գոլային փոխանցում է կատարել:

Սելարայանն իր թիմի մեկնարկային կազմում է դուրս եկել խաղադաշտ, սակայն փոխարինվել է հանդիպման 73-րդ րոպեին: Նա ճանաչվել է նաև հանդիպման լավագույն ֆուտբոլիստ:

Ընթացիկ մրցաշրջանում Հայաստանի հավաքականի ֆուտբոլիստը խփել է իր 7-րդ գնդակը «Քոլամբուս Քրյուի» կազմում անցկացրած 13 խաղում: Այդ խաղերում նա նաև 5 գոլային փոխանցում է կատարել:

Լուկաս Սելարայան