Գրոսմայստեր Հայկ Մարտիրոսյանը լավագույնն է 124 մասնակիցների մեջ
18 Հունիսի 2023, 17:00
![](https://media.alphanews.am/wp-content/uploads/2023/06/18134110/218588184_3103847073235222_1934024659412256701_n-1536x1024-1.jpg)
Տիգրան Պետրոսյանի անվան շախմատի տուն-մարզադպրոցում տեղի ունեցավ կայծակնային շախմատի բաց մրցաշար՝ նվիրված հենց աշխարհի 9-րդ չեմպիոնի ծննդյան 94-ամյակին։
Մասնակցեցին երեք երկրների 124 շախմատիստ-շախմատիստուհի: Մրցաշարի հաղթող դարձավ գրոսմայստեր Հայկ Մարտիրոսյանը, որը 9 հնարավորից վաստակեց 8,5 միավոր: Միջազգային վարպետ Մամիկոն Ղարիբյանը և ՖԻԴԵ-ի վարպետ Ալեքս Սահակյանը 7,5-ական միավորով բաժանեցին 2-3-րդ տեղերը:
Շախմատիստուհիներից լավագույն արդյունք ցույց տվեց միջազգային վարպետ Մարիամ Մկրտչյանը՝ 6 միավոր: Աննա Խաչատրյանը նրանից ետ մնաց կես միավորով: Վետերան շախմատիստների մեջ (60+) լավագույնը Գարիկ Խաչատրյանն է՝ 6 միավոր: