Համլետ Նազարյանը՝ աշխարհագրության տարածաշրջանային օլիմպիադայի մրցանակակիր
04 Մարտի 2026, 23:15
Կիսլովոդսկ քաղաքի դպրոցներից մեկի 9-րդ դասարանի աշակերտ Համլետ Նազարյանը մրցանակային տեղ է զբաղեցրել Համառուսաստանյան դպրոցականների աշխարհագրության օլիմպիադայի տարածաշրջանային փուլում։
Վաղ տարիքից նա հաճախել է Պատանի բնագետների կայան, որտեղ ձևավորվել է նրա սերը դեպի բնությունը։ Հետագայում գիտության հանդեպ հետաքրքրությունը նրան դրդել է մասնակցել օլիմպիադաների։
Կարևոր փուլ է դարձել նաև նրա նախագծային աշխատանքը․ «Հայրենիք» տուրիստա-երկրագիտական շարժման համաժողովում Համլետը հաջողությամբ ներկայացրել է Հյուսիսային Կովկասի տեսարժան վայրերին նվիրված իր հետազոտությունը։
Իր ապագան նա կապում է երկրաբանության հետ՝ երազելով ուսումնասիրել Երկրի ընդերքը և գիտելիքները կիրառել բնության հավասարակշռության պահպանման համար։ Նրա խոսքով՝ գիտական որոնումների և ակտիվ կենսակերպի համադրությունը կօգնի իրեն դառնալ իսկական մասնագետ։
Հիմա եթերում
