Հանգանակել գումար, օգնել հայ հետազոտողներին

Հայկական գիտության և տեխնոլոգիաների հիմնադրամը (FAST) հրավիրում է մասնակցելու 2023 թվականի մայիսի 11-ին կայանալիք ամենամյա Advance Armenia գալային, որը տեղի կունենա The Landmark, Mission Hills, CA:

Երեկոն միավորելու է սփյուռքահայերին, աշխարհի այն քաղաքացիներին, որ կարող են աջակցել մեր ազգի և նրա ապագայի բարելավմանը:

2022-ին կայացած Advance Armenia գալա-ն հանգանակել է $1,4 մլն՝ ADVANCE հետազոտական դրամաշնորհային ծրագրի համար: Նրանք, ովքեր մասնակցել են, նպաստել են հայաստանյան թիմերի ֆինանսավորմանը, որոնք մրցակցային հետազոտություններ են անցկացնում AI, Life Sciences և Advanced Materials ոլորտներում` միջազգային նշանավոր գիտնականների ղեկավարությամբ:

Այս աշնանը Կրթության, գիտության, մշակույթի և սպորտի նախարարության հետ համատեղ կսկսվի պիլոտային ծրագիր ավագ դպրոցներում՝ ներդնելու առաջադեմ մաթեմատիկա, համակարգչային գիտություն: