ՀԱՊԿ-ը 2024 թվականին յոթ զորավարժություն կանցկացնի, Հայաստանը դրանց չի մասնակցի
28 Մարտի 2024, 09:40
Հավաքական անվտանգության պայմանագրի կազմակերպությունն այս տարի յոթ զորավարժություն կանցկացնի, այդ թվում՝ համատեղ «Рубеж-2024»: Այս մասին «Ազգային պաշտպանություն» ամսագրին տված հարցազրույցում հայտնել է ՀԱՊԿ գլխավոր քարտուղար Իմանգալի Տասմագամբետովը:
«Նախատեսված են ՀԱՊԿ անդամ պետությունների միացյալ շտաբի, քարտուղարության և շահագրգիռ նախարարությունների ու գերատեսչությունների ռազմավարական հրամանատարաշտաբային վարժանքներ, «Փոխգործակցություն-2024», «Անխախտ եղբայրություն-2024» հրամանատարաշտաբային զորավարժություններ, «Որոնում-2024», «էշելոն – 2024», «Ժայռ – 2024», «Կոբալտ – 2024» հատուկ զորավարժություններ, «Ռուբեժ – 2024» համատեղ զորավարժություններ Ղազախստանի, Ղրղզստանի, Տաջիկստանի և Ռուսաստանի տարածքում: Դրանք արդեն փորձարկված ձևաչափեր են՝ կազմակերպության աշխատանքի առանցքային ուղղությունների իրականացման շրջանակներում», — ասել է Թասմագամբետովը։
Նրա խոսքով՝ այս ուղղություններով բոլոր միջոցառումներն անցկացվելու են կառավարման մարմինների և Հավաքական անվտանգության համակարգի ուժերի ու միջոցների կազմավորումների համատեղ նախապատրաստման 2024 թվականի պլանի համաձայն: Այս ծրագիրը հաստատվել է կազմակերպության համապատասխան կանոնադրական մարմինների՝ պաշտպանության նախարարների խորհրդի և անվտանգության խորհուրդների քարտուղարների կոմիտեի կողմից:
Հայաստանը, ամենայն հավանականությամբ, չի մասնակցի ՀԱՊԿ զորավարժություններին՝ անդամության սառեցման պատճառով։
ՀԱՊԿ-ին անդամակցում են Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը:
Հիմա եթերում
