Հայ բեռնատարների վարորդները բախվում են Ռուսաստան մուտքի արգելքներին
14 Հոկտեմբերի 2025, 11:20
Դեպի ՌԴ բեռնափոխադրում իրականացնող վարորդները լուրջ դժվարությունների են բախվում ռուսական սահմանը հատելիս՝ միգրացիոն օրենսդրության փոփոխությունների պատճառով։ Ինչպես հայտնել է «Հայկական Կարիտաս» բարեգործական կազմակերպության ներկայացուցիչ Տաթևիկ Բեժանյանը, որոշ վարորդների արդեն մերժել են մուտք գործել Ռուսաստան՝ թույլատրելի ժամկետը գերազանցելու պատճառով:
2025 թվականի հունվարի 1-ից առանց վիզայի երկրների քաղաքացիների համար գործում է նոր կանոն՝ մեկ օրացուցային տարվա ընթացքում Ռուսաստանում հնարավոր է գտնվել ոչ ավելի, քան 90 օր։ Նախկինում այդ ժամկետը 180 օր էր: Սահմանային անցակետերում երկար հերթերի և Ռուսաստանի ճանապարհներին կուտակումների պատճառով սահմանափակումը արագ սպառվում է՝ ընդամենը 6-7 ուղևորությունից հետո, ինչը հետագա մուտքը դարձնում է անհնար։
«Հայկական Կարիտաս»-ում ընդգծում են, որ իրավիճակը պահանջում է Հայաստանի իշխանությունների անհապաղ միջամտություն:
Հիմա եթերում
