«Հայ Դպրոց» հիմնադրամը տոնում է 20-ամյակը
07 Հուլիսի 2023, 21:27
![](https://media.alphanews.am/wp-content/uploads/2023/07/07115939/unnamed-2.png)
Հայաստանի և Արցախի սահմանամերձ և փոքր գյուղերի 457 դպրոց, որտեղ սովորում է շուրջ 38 հազար աշակերտ, կահավորվել է «Հայ դպրոց» հիմնադրամի (Armenia School Foundation) շնորհիվ։
Կառույցն այս տարի նշում է ստեղծման 20-ամյակը։ Այդ առթիվ Գլենդելի «Թուֆենկյան» ցուցասրահում հիմնադրամը միջոցառում էր կազմակերպել։ Կառույցի անդամների և համախոհների հետ 20-ամյա հոբելյանը նշելու էին եկել քաղաքական-հասարակական գործիչներ, համայնքի անդամներ:
Նշենք, որ հիմնադրամը ստեղծվել է Հայաստանում և ԱՄՆ Կալիֆորնիա նահանգում միաժամանակ՝ բարերար Լևոն Ահարոնյանի կողմից։ Հոբելյանական միջոցառման նպատակն էր նաև անցկացված դրամահավաքի միջոցով ֆինանսավորել այս տարվա համար 25 նախագիծ ՀՀ բոլոր մարզերի դպրոցների համար։