Հայ ժողովրդի համար անվտանգության իրական երաշխավոր կարող է լինել միայն Ռուսաստանը. Անդրեյ Կլիմով
14 Սեպտեմբերի 2023, 16:55
Հայ ժողովրդի համար անվտանգության իրական երաշխավոր կարող է լինել միայն Ռուսաստանը, սակայն ամերիկացիները փորձում են Կովկասում լարվածության հերթական օջախն ստեղծել: Այս մասին հայտարարել է ՌԴ Պետական ինքնիշխանության պաշտպանության հարցերով Դաշնային խորհրդի հանձնաժողովի ղեկավար Անդրեյ Կլիմովը:
Ավելի վաղ Հայաստանի վարչապետ Նիկոլ Փաշինյանը հայտարարել էր, որ ռուս խաղաղապահները չեն կատարել իրենց առջեւ դրված խնդիրը Լեռնային Ղարաբաղում և նրանց բացակայության դեպում իրավիճակը տարածաշրջանում ավելի լավ կլիներ:
«Աշխարհի բոլոր երկրներից հայ ժողովրդի համար անվտանգության իրական երաշխավոր կարող է լինել միայն մեր երկիրը», — ասել Է Կլիմովը:
Միևնույն ժամանակ, նա նշել է, որ ԱՄՆ-ը, հասկանալով, որ վաղ թե ուշ, ուկրաինական արկածախնդրությունը կավարտվի, ընդ որում, ոչ իրենց օգտին, «լարվածության նոր օջախներ է պատրաստում»: Օրենսդիրի խոսքով ՝ Վաշինգտոնը երբեք չի թաքցրել, որ պատրաստվում է Կովկասում շարունակել սրել իրավիճակը և Կովկասի միջոցով փորձել ապակայունացնել Ռուսաստանը: «Այստեղ ոչ մի նոր բան չկա», — ավելացրել է նա:
Կլիմովի կարծիքով՝ Հայաստանում որ քաղաքական գործիչն էլ հիմա լինի իշխանության ղեկին, ԱՄՆ-ն կփորձի կամ հեռացնել այդ քաղաքական գործչին, կամ դարձնել իր սեփականը: «Դատելով նրանից, ինչ մենք լսում ենք, ԱՄՆ-ի մոտ այդ պատմությունն առաջիններից մեկն է հետխորհրդային տարածքում», — ասել է խորհրդարանականը:
Հիմա եթերում
