Հայաստանի և Ադրբեջանի բասկետբոլի պատանեկան հավաքականները կմրցեն իրար դեմ

Հայաստանի բասկետբոլի պատանեկան հավաքականներն ուսումնամարզական հավաք են անցկացնում Օլիմպավանում:

Մ-16 տարեկան հավաքականները պատրաստվում են Եվրոպայի C դիվիզիոնի առաջնությանը: Տղաների հավաքականն ընդգրկվել է B ենթախմբում, որտեղ կմրցի Ալբանիայի, Կիպրոսի, Սան Մարինոյի և Ադրբեջանի հավաքականների հետ: Հանդիպումները կկայանան 2023 թվականի հուլիսի 19-27-ը, Կոսովոյի Պրիշտինա քաղաքում:

Հայաստանի բասկետբոլի ֆեդերացիան հայտնում է, որ Մ-18 աղջիկների հավաքականը հայտնվել է C դիվիզիոնի B ենթախմբում, որտեղ կմրցի Մոլդովայի, Կոսովոյի և Ալբանիայի թիմերի հետ: Մրցաշարը տեղի կունենա օգոստոսի 1-6-ը, Ալբանիայի Դուրես քաղաքում: