Հայաստանի հավաքականի մասին կմտածեմ սեպտեմբերին․ Նաիր Տիկնիզյան

Հայ ֆուտբոլիստ, «Լոկոմոտիվ»-ի պաշտպան Նաիր Տիկնիզյանը խոսել է Ազգերի լիգայում Հայաստանի հավաքականի առաջիկա խաղերի մասին:

«Չեմ սիրում գուշակել, քանի որ մարտին արդեն մտածում էի, որ մեկնելու եմ ազգային հավաքական, իսկ արդյունքում վնասվածք ստացա։ Հիմա մտածում եմ միայն «Խիմկի»-ի հետ խաղի մասին, իսկ Հայաստանի հավաքականի մասին կմտածեմ սեպտեմբերին», — Տիկնիզյանի խոսքերն է մեջբերում «РБ Спорт»-ի թղթակիցը։

Հայաստանի հավաքականը սեպտեմբերին Ազգերի լիգայում կմրցի Լատվիայի և Հյուսիսային Մակեդոնիայի թիմերի հետ: Իսկ օգոստոսի 28-ին «Լոկոմոտիվ»-ը պետք է մրցի «Խիմկի»-ի հետ Ռուսաստանի գավաթի FONBET-ի շրջանակներում։ Ընթացիկ մրցաշրջանում Տիկնիզյանը խաղացել է 5 խաղ ՌՊԼ-ում և դարձել 2 գոլի հեղինակ: Transfermarkt-ը ֆուտբոլիստին գնահատում է 6,5 միլիոն եվրո։