Հայաստանի իշխանությունները ցուցադրում են եվրոպական հավատարմության որոշակի ծես. Դմիտրի Ժուրավլյով

Ռուս քաղաքագետ Դմիտրի Ժուրավլյովը Alpha News-ին մեկնաբանել է Հայաստանի եվրաինտեգրման գործընթացն ու Ռուսաստանի արձագանքը դրան։

«Իմ կարծիքով, հենց այն պայմաններում, երբ տնտեսությունը կապված է Ռուսաստանի հետ, այս գործընթացը պայմանավորված է բացառապես արարողակարգային բնույթով։ Պետք է ցույց տալ, որ անկախ ցանկացած օբյեկտիվ գործերից և շահերից՝ եվրաինտեգրումը շարունակվում է, որպեսզի հիշեցնեն նրանց, ովքեր կասկածել են։ Դա եվրոպական հավատարմության ծես է։ Նման ծեսն իր ժամանակին Ուկրաինային հասցրեց հատուկ ռազմական գործողության, քանի որ տնտեսությունը հիմնականում կապված էր Ռուսաստանի հետ, իսկ քաղաքական էլիտան իր ապագան տեսնում էր Արևմուտքի հետ։

Այնուամենայնիվ, Հայաստանին դեռևս պաշտոնապես չեն հրավիրել Եվրոպա։ Քանի դեռ դուռը դրսից բաց չէ, դրա միջով դուրս գալ հնարավոր չէ, բայց Հայաստանի իշխանությունները ձգտում են ցույց տալ իրենց պատրաստակամությունը։ Ռուսաստանն, իր հերթին, ինչպես Յանուկովիչի ժամանակ, որին շատերը համարում են ռուսամետ նախագահ, նշում էր Ուկրաինային, որ դա դա հնարավոր չէ։ Անհնար է օգտվել արտահանման արտոնություններից երկու չկապված համակարգերում։ Դա նման է ամբարտակը կոտրելուն. ջուրը կկործանի այն և ամեն ինչ, ինչ դրա վրա է գտնվում։ Պատճառը ոչ թե այն է, որ վատ է Եվրոպայի կամ Ռուսաստանի հետ ընկերություն անելը, այլ հնարավոր չէ միաժամանակ նման քաղաքականություն վարել։

Եթե եվրոպական ձեռքերով մեր երկրների միջև արգելքներ են դրված, ապա մի կողմից դրանք հնարավոր չի լինի վերացնել։ Խոչընդոտները հեռացնելու համար հարկավոր է դրանք հեռացնել երկու կողմերից, ինչը կկործանի գոյություն ունեցող ամբողջ ճարտարապետությունը: Ժամանակին նախագահ Պուտինն այս մասին ասել է Ուկրաինային, և Յանուկովիչը, իհարկե, լսել է այդ ազդանշանը։ Ուստի եվրաինտեգրումը կասեցվեց, բայց հետո ողբերգություն եղավ։ Ինձ համար դժվար է դատել, բայց արդյոք այդ թեզը կլսեն հայաստանյան էլիտաները, ոչ միայն իշխանությունները։ Չի կարելի միաժամանակ կենտրոնանալ բոլոր չորս ուղղությունների վրա»,- նշել է փորձագետը։

Մեկնաբանելով Ռուսաստանի արձագանքը եվրաինտեգրման գործընթացին՝ Ժուրավլյովը նշել է, որ ՌԴ-ն, ամենայն հավանականությամբ, Հայաստանի վրա կտարածի նույն կանոններն ու հարաբերությունները, որոնք կիրառվում են Եվրամիության նկատմամբ։

«Ռուսաստանին անգամ արձագանքել պետք չի լինի։ Ռուսաստանը պարզապես պետք է այս իրավիճակում Հայաստանի վրա տարածի այն կանոններն ու հարաբերությունները, որոնք կիրառվում են Եվրոպայի նկատմամբ, ոչ ավելին։ Ուզո՞ւմ եք ինտեգրվել, լավ, դուք այն կստանաք, բայց նույն պայմաններով, ինչ Եվրոպան»,- նշել է Ժուրավլյովը։