Հայաստանի իշխանությունները Եկատերինբուրգից հետ են կանչում հյուպատոսին
29 Հուլիսի 2025, 13:10
Նարեկ Սպարտակյանը լքում է Եկատերինբուրգում Հայաստանի պատվավոր հյուպատոսի պաշտոնը։ Որոշումը կապված է մի շարք ներքին հարցերի շուրջ նրա անհամաձայնության հետ, այդ թվում՝ Հայ Առաքելական Եկեղեցու նկատմամբ իշխանությունների վերաբերմունքի և Հայ Առաքելական Եկեղեցուն աջակցող բարերար Սամվել Կարապետյանի ձերբակալության հետ։
Նրա խոսքով՝ եկեղեցու դեմ գործողություններն «անթույլատրելի են», քանի որ այն բոլոր հայերի հոգևոր հենարանն է։
«Հայ Առաքելական Եկեղեցու դեմ ցանկացած գործողություն, որպես համայն հայության հոգևոր միասնության կարևոր հիմք, անթույլատրելի եմ համարում», — նշել է Սպարտակյանը:
Սպարտակյանն ընդգծել է նաև, որ շարունակում է ապրել Եկատերինբուրգում և պատրաստ է օգնել տեղի հայ համայնքին՝ անկախ պաշտոնական կարգավիճակից: Անդրադառնալով Կարապետյանի ձերբակալությանը՝ Սպարտակյանը նշել է նրա նկատմամբ խորին հարգանքը և հավելել, որ շատերի համար նա արարելու և ծառայելու օրինակ է դարձել:
Հիմա եթերում
