Հայաստանի ներկայացուցիչները կայցելեն Աստրախան՝ մասնակցելու մեդիաֆորումի և փառատոնի
02 Օգոստոսի 2024, 20:10
Աստրախանի մարզի նահանգապետ Իգոր Բաբուշկինը մամուլի ասուլիսի ժամանակ խոսել է տարածաշրջանում լայնածավալ միջազգային նախագծերի՝ 9-րդ «Կասպյան» մեդիաֆորումի և դասական արվեստի «Կասպյան սեզոններ» փառատոնի անցկացման մասին։
Ֆորումին և փառատոնին մասնակցելու համար Աստրախան կայցելեն ներկայացուցիչներ և արտիստներ Հայաստանից, Իրանից, Ղազախստանից, Ռուսաստանից, Թուրքմենստանից, Բելառուսից, Ադրբեջանից, Ուզբեկստանից, Մոլդովայից և Ղրղզստանից:
Կասպյան մեդիաֆորումի մասնակիցները կկիսվեն որակի բարձրացման և մշակույթների երկխոսության առաջմղման մեխանիզմներով և գործիքներով: Բացի այդ, համաժողովի շրջանակներում կամփոփվեն «Կասպից ծովն առանց սահմանների» լավագույն լրագրողական աշխատանքի միջազգային մրցույթի արդյունքները:
«Կասպյան սեզոններ» դասական արվեստի փառատոնի բացումն էլ նախատեսված է օգոստոսի 17-ին. գալա համերգը տեղի կունենա բաց երկնքի տակ՝ Աստրախանի հրապարակում՝ մերձկասպյան երկրների սիմֆոնիկ նվագախմբի նվագակցությամբ:
Հիմա եթերում
