Հայաստանի ներկայացուցիչը դարձել է Եվրոպայի Մ23 կրկնակի չեմպիոն
31 Հուլիսի 2023, 09:25
![](https://media.alphanews.am/wp-content/uploads/2023/07/30231848/photo1690744643.jpeg)
Բուխարեստում անցկացվող ծանրամարտի Եվրոպայի մինչեւ 23 տարեկանների առաջնությունում Հայաստանի ներկայացուցիչ Ռաֆիկ Հարությունյանը երկրորդ անգամ նվաճել է չեմպիոնի կոչումը այս տարիքային խմբում: Նույն քաշային կարգում հանդես եկող Կարեն Մարգարյանը փոխչեմպիոն է:
81 կգ քաշայինների պայքարում մեծահասակների Եվրոպայի չեմպիոն Ռաֆիկ Հարությունյանը երկամարտում գրանցել է 330 կգ արդյունք: Պոկում վարժությունում գլխավերեւում պահել է 150 կգ, հրել՝ 180 կգ: Հարությունյանը նվաճել է այս քաշային կարգի երեք ոսկե մեդալները: Եվրոպայի Մ20 եռակի չեմպիոն Կարեն Մարգարյանը երկամարտի արծաթե մեդալը նվաճել է 323 կգ արդյունքով:
Ռումինիայի մայրաքաղաքում անցկացվող Եվրոպայի առաջնությունում Հայաստանի թիմն արդեն նվաճել է 2 ոսկե, 3 արծաթե եւ 5 բրոնզե մեդալներ: