Հայաստանի պատանի կրկեսային կատարողները ելույթ կունենան Տուլայի փառատոնում

Աշխարհի տարբեր անկյուններից Տուլա կժամանեն պատանի կրկեսային կատարողներ՝ ելույթ ունենալու «Խաղաղության լեզվով» 3-րդ միջազգային մանկական փառատոնում։ Այս մասին հայտնում է Ռուսաստանի պետական կրկեսային ընկերության մամուլի ծառայությունը:

Մասնակիցները կլինեն 8-18 տարեկան երեխաներ Հայաստանից, Ղազախստանից, Վիետնամից, Տաջիկստանից, Ղրղզստանից, Բելառուսից, Ուզբեկստանից, ինչպես նաև Մոնղոլիայից և Արգենտինայից:

Նրանք կպայքարեն մրցանակային տեղերի և մրցանակների համար: Փառատոնը կանցկացվի դեկտեմբերի 8-10-ը: