Հայաստանի ՊՆ-ն արձագանքել է ֆրանսիական զենքեր ստանալու տեղեկությանը
13 Նոյեմբերի 2023, 16:35
![](https://media.alphanews.am/wp-content/uploads/2023/11/13163504/22007410_0_22_1600_922_1920x0_80_0_0_7233d0da2aa62b7aba901e718986e057.jpg)
News.am-ը ՀՀ պաշտպանության նախարարի խոսնակ Արամ Թորոսյանին խնդրել է մեկնաբանել Ֆրանսիայի կողմից Հայաստան ռազմական տեխնիկայի ուղարկման մասին տեղեկություններն ու լուսանկարները, որոնք տարածվում են տելեգրամյան ալիքներում։ Նշվում է, որ Ֆրանսիան մեծ քանակությամբ «Բաստիոն» բազմաֆունկցիոնալ զրահամեքենաներ և դրանց համար նախատեսված սարքավորումներ է ուղարկել Հայաստան։
«Հայաստանի և Ֆրանսիայի՝ պաշտպանության բնագավառում համագործակցության վերաբերյալ պաշտոնական հաղորդագրություններից և հայտարարություններից զատ՝ այս պահին որևէ լրացուցիչ տեղեկություն չենք կարող հայտնել»,- նշել է Արամ Թորոսյանը։
Հիշեցնենք՝ Երևանն ու Փարիզը պաշտպանական ոլորտում համագործակցության վերաբերյալ պայմանագիր են ստորագրել այս տարվա հոկտեմբերի 23-ին։