Հայաստանի ռուսաց լեզվի ուսուցիչները ստաժավորում են անցնում Սանկտ Պետերբուրգում

Հունիսի 23-27-ը Հայաստանի տարբեր քաղաքների տասներկու մանկավարժներ ստաժավորում են անցնում Սանկտ Պետերբուրգի «Ալֆա-Դիալոգ» կենտրոնում: Այս մասին գրում է «Русский мир»-ը:

Պրակտիկայի ծրագիրը, բացի դասընթացներից և վարպետության դասերից, ներառում է տարբեր սեմինարներ, այցելություն թատրոն, Ա.Ս. Պուշկինի թանգարան-բնակարան և ծանոթություն քաղաքի տեսարժան վայրերին:

Հայաստանի մանկավարժների հետ վերապատրաստման ծրագիրն իրականացվում է որպես «Ալֆա-Դիալոգ» կենտրոնի համակարգային աշխատանքի մաս 2022 թվականից: