Հայաստանի ղեկավարությունն Արևմուտքին հնարավորություն է տալիս խաղալ իր շախմատի տախտակի վրա. Նիկոլայ Ստարիկով
20 Հունիսի 2024, 21:30
Ռուս քաղաքագետ Նիկոլայ Ստարիկովը Alpha News-ի հետ զրույցում մեկնաբանել է ՌԴ փոխարտգործնախարար Միխայիլ Գալուզինի հայտարարությունն այն մասին, որ Հարավային Կովկասում Արևմուտքի օրակարգը միշտ չէ, որ համապատասխանում է տարածաշրջանի երկրների շահերին:
«Այն ամենն, ինչ հիմա անում է Արևմուտքը, ուղղված է նրանց դեմ, ում Արևմուտքը համարում է իր հակառակորդ ու իր համար վտանգավոր։ Դրանք առաջին հերթին Ռուսաստանն ու Չինաստանն են։ Արևմտյան հեգեմոնիայի գլոբալ մարտահրավերը նետում են Պեկինն ու Մոսկվան։ Ուստի ամբողջ քաղաքականությունը, որը կառուցվում է Արևմուտքի հետ, ուղղված է Ռուսաստանին և Չինաստանին զսպելուն։ Եվ Կովկասում քաղաքականությունը բացառություն չէ։ Ուստի այս իմաստով արևմտյան քաղաքականության ցանկացած հատված մենք կարող ենք գնահատել հենց այդպես և երբեք չենք սխալվի։ Քաղաքականության մեջ հենց այնպես ոչինչ տեղի չի ունենում», — ասել է Ստարիկովը։
Փորձագետի կարծիքով՝ հայկական ղեկավարությունն Արևմուտքին հնարավորություն է տալիս խաղալ իր հայկական շախմատի տախտակի վրա:
«Ինչ վերաբերում է Հայաստանին, ցավոք, ներկայիս հայկական ղեկավարությունն Արևմուտքին հնարավորություն է տալիս խաղալ իր հայկական շախմատի տախտակի վրա։ Իսկ նրանց համար, որոնք դա անում են և թույլ են տալիս՝ թույլ տալով Արևմուտքին մոտենալ իրեն, դա միշտ վատ է ավարտվում։ Վերջին օրինակներից մեկը Ուկրաինան է, բայց նման օրինակներ հնարավոր չէ հաշվել։ Եթե հիշում եք, կարող եք խոսել Հարավային Կորեայի մասին, որը ժամանակին այս խաղերը խաղում էր ամերիկացիների հետ, և դա ավարտվեց Կորեական թերակղզում սարսափելի պատերազմով: Նմանապես, Հարավային Վիետնամը, որը ժամանակին գրավել էին ամերիկացիները», — եզրափակել է Ստարիկովը։
Հիմա եթերում
