Հայաստանի զբոսաշրջության առաջատար մասնագետները կայցելեն Սանկտ Պետերբուրգ

Օգոստոսի 19-23-ը Հայաստանի 40 տուրիստական ընկերությունների ներկայացուցիչներ կայցելեն Սանկտ Պետերբուրգ՝ տեղեկատվական-ճանաչողական շրջագայության: Միջոցառումը կազմակերպել է Սանկտ Պետերբուրգի զբոսաշրջության զարգացման կոմիտեի քաղաքային զբոսաշրջության և տեղեկատվական բյուրոն:

Հայաստանի զբոսաշրջային ոլորտի ներկայացուցիչները հինգ օրվա ընթացքում կծանոթանան հյուսիսային մայրաքաղաքի հետիոտնային, ջրային և ավտոբուսային տարբեր երթուղիներին, ինչպես նաև կուսումնասիրեն զբոսաշրջիկների տեղավորման հնարավորությունները, գաստրոնոմիան: