Հայաստանն ու Ադրբեջանը շարժվում են դեպի խաղաղություն. Թուրքիայի փոխնախագահ

Թուրքիայի փոխնախագահ Ջևդեթ Յըլմազը Report-ին տված հարցազրույցում հայտարարել է, որ Երևանն ու Բաքուն արագ տեմպերով առաջ են շարժվում կայուն խաղաղության հաստատման ուղղությամբ, ինչը հնարավորություն է բացում լայնածավալ տարածաշրջանային տնտեսական նախագծերի իրականացման համար։

Նրա խոսքով՝

• համաձայնեցվել է Հայաստանի և Ադրբեջանի միջև խաղաղության համաձայնագրի տեքստը,

• ձեռք են բերվել պայմանավորվածություններ տարածաշրջանային տրանսպորտային և հաղորդակցական ուղիների բացման վերաբերյալ,

• Ադրբեջանը հանել է տարանցման սահմանափակումները և իրականացրել է նավթամթերքների առաջին արտահանումը Հայաստան:

Ըստ նրա՝այս քայլերը դրական ազդեցություն են ունենում թուրք-հայկական հարաբերությունների կարգավորման վրա։

Յըլմազը հավելել է նաև, որ Հարավային Կովկասում աստիճանաբար նվազում են բախումները և այն վերածվում է համագործակցության, կայունության և տնտեսական զարգացման տարածաշրջանի, իսկ Թուրքիան պատրաստ է դիվանագիտական և քաղաքական աջակցություն ցուցաբերել այս գործընթացին։