Հայաստանում ոչխարների խուզման փառատոն է անցկացվելու

Հունիսի 10-ին ՀՀ Սյունիքի մարզի Խոտ գյուղում կանցկացվի «Ոչխարների խուզման» փառատոնը։

Ոչխարների խուզումը գունեղ փառատոն է, որտեղ տեղացիները մրցում են ոչխարներ խուզելու հմտությամբ:

Փառատոնի ծրագիրը ներառում է՝ ոչխարների խուզման ավանդական մրցույթ, LAV ELI խմբի համերգ, Տերյան մշակութային կենտրոնի հայկական տարազների ցուցահանդես-դեֆիլե, տեղական համայնքների և արտադրողների մասնակցությամբ ցուցահանդես-տոնավաճառ, բոլոր տեսակի խաղեր և մրցույթներ:

Փառատոնի ընթացքում կկազմակերպվի նաև մանկական անկյուն և երեխաների համար նախատեսված այլ զվարճանքներ։